திருமணமும் உரிமைகளும்

நான் திருமணம் செய்வதற்கு என்ன தேவை?

• வயது: நீங்கள் 18 வயதிற்கு மேற்பட்டவராக இருக்க வேண்டும் அல்லது  16  வயதாக இருந்தால் பெற்றோர் சம்மதம் தேவை 

• உள்நாட்டு நிலை:  நீங்கள் ஏற்கனவே திருமணமானவராக இருக்க கூடாது  ஏனெனில் பல பேரை திருமணம்  செய்வது கனடாவில் சட்டபூர்வமற்றது – நீங்கள் விவாகரத்து ஆனவராயின் உங்கள் விவாகரத்து பத்திரத்தை அலுவலகரிடம் சமர்ப்பிக்க  வேண்டும்.

• நல்ல மனநிலை:  திருமணத்திற்கான நல்ல மன நிலையும்  உறுதியும் இருக்க வேண்டும். உங்களை யாரும் திருமணத்திற்கு கட்டாயப்படுத்த முடியாது.

• அடையாளம்: உங்கள் அடையாளத்தை உறுதிப்படுத்த சட்டபூர்வமான ஆவணங்கள் வேண்டும். (உ+ம் பிறப்புச்சான்றிதழ்)

• அங்கீகரிக்கப்பட்ட அலுவலர்: கனடிய நீதிமன்றத்தால் திருமணத்தை  அங்கீகரிப்பதற்கு தெரிவு செய்யப்பட்ட தகுதியுடைய ஒருவர்

• அறிவிப்பு: திருமணத்திற்கான அறிவிப்பு 20  நாட்களுக்கு முன்பே அலுவலரால் அறிவிக்கப்பட வேண்டும்.

நீங்கள் மேலுள்ள நிபந்தனைகளைப் பின்பற்றாவிடில் உங்கள் திருமணம் கியூபெக்கில் சட்டபூர்வமற்றது என அர்த்தம்.

நான் எந்த விதமான திருமணத்தில் உள்ளேன்?

நீங்கள் எந்தவகையான உறவுமுறையில் இருக்கின்றீர்கள் என்று தெரிந்து கொள்வது முக்கியமானது, ஏனெனில் இது உங்கள் சட்டபூர்வமான உரிமைகளையும் கட்டுபாடுகளையும் பாதிக்கும்.   மக்கள் சட்டபூர்வமாக தங்கள் அர்ப்பணிப்புகளை ஒருவருக்கொருவர் வெளிப்படுத்த பல வழிகள் உள்ளன. அவையாவன: திருமணம் (உள்நாட்டு  முறை அல்லது சமயம் சார்ந்த), உள்நாட்டு ஒன்றியம் மற்றும் பொதுவான சட்டம்/ நடைமுறைப்படி திருமணம். இந்த பிரசுரம் திருமணத்துக்கு மட்டுமே.

 உங்களிடம் சட்டபூர்வமான திருமணச் சான்றிதழ் உள்ளதா?

நீங்கள் கியூபெக்  இல் திருமணம் செய்யும் போது, உங்கள் பதிவு உள்நாட்டு நிலைப் பதிவேட்டில்  “திருமணம்” என்று மாறிவிடும். இந்த கட்டத்தில் நீங்கள் ஒரு திருமணச் சான்றிதழ் கோரலாம்.  நீங்கள் உங்கள் திருமணச் சான்றிதழை இழந்த அல்லது கிடைக்காத பட்சத்தில் புதிய ஒன்றுக்கு விண்ணப்பிக்க முடியும்.

 நீங்கள் வெளிநாட்டில் திருமணமானவரா?

அப்படியாயின், உங்கள் திருமணம் 18  வயது அல்லது 16  வயதில் உங்கள் பெற்றோர் சம்மதத்துடன் நடந்திருந்தால் உங்கள் திருமணச்சான்றிதழ் அதிகாரபூர்வமாக செல்லுபடியாகும்.

திருமணம் எப்படி என் குழந்தைகளை பாதிக்கிறது?

ஒவ்வொரு குழந்தைக்கும் அவனுடைய/அவளுடைய பெற்றோரிடமிருந்து  பாதுகாப்பு மற்றும் கவனிக்கப் பட வேண்டிய உரிமை உண்டு. குழந்தையின் அறிவு, உணர்ச்சி மற்றும் உடல் சார்ந்த தேவைகளை அறிந்து கொள்ள வேண்டும். திருமணத்திற்கு உள்ளோ அல்லது வெளியோ, பெற்றோர்கள் திருமணம் ஆகவிட்டாலும் அல்லது திருமணமாகி பின் விவாகரத்து பெற்றிருந்தாலும்,  குழந்தைகளுக்குரிய  கடப்பாடுகள் இருவருக்குமே சொந்தமானது.

திருமணம் இரு சமமான நபர்களுக்கு இடையேயானது என்பதை நினைவில் வைத்துக்கொள்ள வேண்டும். ஆகையினால்,  ஒருவருக்கொருவர் ஒரே விதமான  கடமைகளும், உரிமைகளும்   இருவருக்குமே  உண்டு

 உங்கள் கடமைகள்:

• உண்மையாகவும், மரியாதையுடனும் மற்றும் உங்கள் வாழ்க்கைத்துணையை சரி சமனாகவும் நடத்த வேண்டும்.
• உடல்/உணர்ச்சி வன்முறைகள் பயன்படுத்தக் கூடாது.
• நிதி ஆதரவு வழங்க வேண்டும்.
• உங்கள் குடும்ப  அங்கத்தவர்களை மற்றும் குழந்தைகளைப்  பாதிக்கும் முடிவுகளை அவர்களின் அனுமதியின்றி செய்ய கூடாது (உ+ம் நிலையான குடும்ப சொத்தை விற்பது அல்லது அடமானம் வைப்பது) 

உங்கள் உரிமைகள்:

• சமமாக நடத்தப்பட வேண்டும்
• பாதுகாப்புடன் வாழ  வேண்டும்
• நெருக்கமான உறவுகளைக் கொண்டிருக்க மறுத்தல்
• விவாகரத்து அல்லது பிரிவதன் மூலம் உங்கள் துணையை  விட்டு விலகுதல்
• உங்களுக்கான உணர்வுரீதியான மற்றும்  நிதியாதரவினைப் பெறுதல்
• உங்களுக்கு புரியாத அல்லது இணக்கமில்லாத எந்த அதிகாரபூர்வ ஆவணங்களிலும் கையெழுத்திட மறுத்தல்
• உங்கள் துணையைக் கனடா  வருவதற்குப் ஸ்பொன்ஷர்  செய்தல்

என்றால் என்ன?

உங்கள் துணை வெளிநாட்டில் இருப்பவராயின் நீங்கள் அவருடன் கனடாவில்  இணைந்து வாழவிரும்பினால் உங்களால் அவன்/அவளைப்  ஸ்பொன்ஷர்  செய்ய முடியும். நீங்கள் 18 வயதிற்கு மேற்பட்டவராகவும் மற்றும் கனடியப் பிரஜை அல்லது கனடிய குடியுரிமையாளராக இருந்தால் உங்கள் துணையை  கனடாவில் குடியேற ஸ்பொன்ஷர் செய்யலாம்.  உங்கள் துணைக்கு 3 வருடத்திற்கு நிதி ஆதரவு செய்யும் பொறுப்பு உங்களுடையது,  இது ஒரு கடுமையானதும், சட்ட மற்றும் நிதி பொறுப்பாகியதும்.   நீங்கள் விவாகரத்து பெற்றால் கூட உங்கள் துணைக்கு நீங்களே பொறுப்பு. 

கவனத்தில் கொள்ள வேண்டியவை: அக்டோபர் 26, 2014  இலிருந்து நிபந்தனைக்குட்பட்ட நிரந்தர வதிவிட அந்தஸ்து கோருபவர்கள் இரண்டு வருடம் அல்லது  அதற்கும் குறைவானவர்கள் மற்றும் ஸ்பொன்ஷர் இற்கு விண்ணப்பித்த போது குழந்தைகளற்ற தாம்பத்திய உறவுமுறைப் ஸ்பொன்ஷர் செய்யும் அனைவருக்கும் இது பொருந்தும். திருமணமான ஜோடிகள் இருவரும் நிரந்தர வதிவிட அந்தஸ்து வழங்கப்பட்ட நாளில் இருந்து இரண்டு வருடங்களுக்கு சேர்ந்து வாழ   வேண்டும். இல்லையெனில் குடியுரிமை அந்தஸ்து திரும்பப் பெறப்பட்டு ஸ்பொன்ஷர் செய்யப்பட்ட துணை நாட்டுக்கு திருப்பி அனுப்பப்படலாம் . நிபந்தனைக்குட்பட்ட நிரந்தர வதிவிடக் குடியுரிமை உள்ளவர்களுக்கும், நிரந்தர வதிவிடக் குடியிரிமை உள்ளவர்களுக்கும் ஒரேமாதிரியான உரிமைகள் தான்

இல்லறவன்முறைச் சூழ்நிலையின் போது ஒரு வழக்கறிஞரிடம் ஆலோசனை கேட்பது மிக முக்கியமானது. ஏனெனில் சில சந்தர்ப்பங்களில் விதிவிலக்குகள் உள்ளன.

நான் வெல்பெ(f)யா (welfare) இல் இருந்தால் எனது துணையை ஸ்பொன்ஷர் செய்ய முடியுமா?

இல்லை. நீங்களாகவே நிதி ஆதரவு வழங்கக் கூடியவராகவும் நீங்கள் ஸ்பொன்ஷர் செய்யும் நபருக்கும்  நிதியாதரவு வழங்குவதற்கு உறுதி அளிப்பவராகவும் இருக்க வேண்டும்.

நான் ஸ்பொன்ஷரை ரத்துச்  செய்ய முடியுமா?

இல்லை. ஒரு தடவை விசாவிற்கு விண்ணப்பித்த பின்பு ரத்துச்செய்ய முடியாது.

 ஸ்பொன்ஷசிப் மோசடி என்றால் என்ன?

இது ஒருவரது குடியேற்றத்தை எளிதாக்குவதற்காக மட்டும் செய்யும் திருமணம். இது சட்டவிரோதமானது. இதனால் உங்களுக்கு கடுமையான நிதி மற்றும் தனிப்பட்ட விளைவுகள் உண்டு. பல பெண்கள் தங்கள் வருங்கால துணையால் அல்லது அவர்களுடைய குடும்பங்களின் வற்புறுத்தலால் பாதிக்கப்பட்டுள்ளனர்

எல்லா உறவுகளிலும் கஷ்டங்கள் உண்டு,   இருப்பினும் முடியாத பட்சத்தில் உங்கள் விருப்பத்துடன் உதவியை தேடலாம்

 பிரிதல் மற்றும் விவாகரத்துக் இடையே உள்ள வித்தியாசம் என்ன?

பிரிதல்:

• நீங்களும் உங்கள் துணையும் ஒன்றாக வாழ முடியாது
• சட்ட அந்தஸ்து: நீங்கள் இன்னும் சட்டபூர்வமாகத் திருமணமானவர்கள்
• சட்ட உரிமை: தனிப்பட்ட நிதி நிலைமைகளைக் கொண்டிருப்பினும் மற்றும் ஒன்றாக வாழவிடினும் உங்களுக்கும் திருமணமான ஜோடிகளுக்குரிய அதே கடமைகளும் உரிமைகளும் உண்டு

சட்ட உரிமை: தனிப்பட்ட நிதி நிலைமைகளைக் கொண்டிருப்பினும் மற்றும் மற்றும் ஒன்றாக வாழவிடினும் உங்களுக்கும் திருமணமான ஜோடிகளுக்குரிய அதே கடமைகளும் உரிமைகளும் உண்டு

விவாகரத்து:

• கனடிய நீதிமன்றத்தால் உங்கள் திருமணம் விலக்கப்படுதல்
  சட்ட அந்தஸ்து: நீங்கள் இனிமேல் சட்டபூர்வமாகத் திருமணமானவர்கள் அல்லர் மற்றும் உங்கள் சட்டபூர்வ உரிமைகள் கடமைகள் விலக்கப்படும்
  சட்ட உரிமை/ கடமை: வாழ்வாதாரம் மற்றும் குடும்பச் சொத்தின் மதிப்பு என்பன இரண்டு துணைகளுக்கிடையே சமமாகப் பகிரப்படும் உரிமை உண்டு.

விவாகரத்துப்  பெற உங்களுக்கு என்ன தேவை:

• திருமண உறுதிப் பத்திரம் (சட்டபூர்வச் சான்றிதழ்)
• நோக்கம்: உங்களுக்குத்  திருமணத்தை விலக்க வேண்டும்
• வாழ்விடம்:  நீங்கள் ஓராண்டு கனடிய மாகாணத்தில் அல்லது பிரதேசத்தில் வாழ்ந்திருக்க வேண்டும்.
• உத்தேசம்: உங்கள் துணை கொடுமை செய்திருந்தாலோ (உடல், உணர்வு ) நீங்கள் உங்கள் துணையிடமிருந்து  ஒரு வருடமாவது பிரிந்திருந்தாலோ அல்லது திருமணத்திற்கு  அப்பால் உறவுமுறை வைத்திருத்தல்

நான் கனடாவிற்கு வெளியே திருமணம் முடித்திருந்தால் கனடாவில் விவாகரத்துப்  பெற முடியுமா?

ஆம். ஆனால் உங்களிடம் சட்டபூர்வ உறுதிப் பத்திரம் இருக்க வேண்டும். கனடிய விவாகரத்து கனடாவுக்கு வெளியே செல்லுபடியற்றதாக இருக்கலாம். நீங்கள் வெளியூர் செல்ல முன்பு ஒரு முறை உறுதி செய்யவும்.

ஸ்பொன்ஷர்  செய்பவரும் ஸ்பொன்ஷர்   செய்யப்படுபவரும் விவாகரத்துப் பெற்றால் என்ன நடக்கும்?

விவாகரத்துப்பெறுவது  உங்கள் ஸ்பொன்ஷசிப்பைப் பாதிக்காது.  அந்தப்  ஸ்பொன்ஷருக்கும் ஒரே கடப்பாடுகள்  தான்.

ஸ்பொன்ஷர்  செய்யப்பட்டவர் ஸ்பொன்ஷசிப்  காலத்திற்கு அந்நாட்டில் இருக்க முடியும்.